Wiehnachte & Neujahr 2017

Liebi Fründe, Fäschtwüeteriche und Fäschtwüeterichinne
Für die langi und unagnähmi Informationsdurststrecki uf üsere Homepage entschuldiged mier (namendlich de Pascal Reindl) üs in höchster und höflichster Form. De Mediesprächer hed vermuetlich sis Passwort fürs Backend Login vergässe.

Nichtsdestotrotz wünscht d Hüttlicrew allne es besinnlichs Wiehnachte und en lässige Rutsch is Jahr 2017.

2017 – en eisitige Überblick:
1987er Jahrgänger wärded 30i
1989er Jahrgänger wärded 28i
1992er Jahrgänger wärded 25i
1996er Jahrgänger wärded 21i
1999er Jahrgänger wärded 18i

Allne Schaltjahrchind mit Geburtstag am 29.02.1992 wünsched mier nachträglich no alles Gueti zum 6te Geburtstag.

Mier lueged zrugg uf es u huere geils 2016ni und freued üs uf wiiteri, bonfortionösi Stunde mit üch!
Zum Bispil am 10. & 11. Juni 2017, wenn s Chlösterli 50i wird, wärded mier für üch öppis feins chöcherle und zäme uf de Geburtstag astosse.
D Bar am Froschfäscht wird am 25. – 27. August 2017 vom Cottage – the Club Team gschmisse, chömed doch verbii ufnes Gläsli oder zwei!
Am Pass ohni Bode wärded mier au im 2017ni eimal meh s Passebartout Unterägeri inen Partyhöhli verwandle.

Das wärs jetzt gsii mit dem churze Usblick, nomal schöni Fäschttäg und gnüsseds!

#SchreiberlingOut
#MicrophoneDrop
#DonaldTrumpIschPräsident?
#JeeÄndlichWiederLastChristmasImRadio

Da wett ich unbedingt öppis säge:

Ihre E-Mail-Adresse wird nicht veröffentlicht.

five × 2 =